كتب – إبراهيم خليل إبراهيم
تدهور حالة الفنانة نشوى مصطفى داخل مستشفى العزل وقالت : أنا عرفت إن عندي كورونا يوم وكان عندي أعراض قبل ذلك وكنت فاكراها برد عادي وابتديت فعلا أخد مسكنات خفيفة ومخفضات حرارة وكانت الأمور ماشية ولكن حسيت بألم لا يحتمله بشر في جسمي كله وفي صدري وأولادي جابولي دكتور في البيت واكتشفنا أنها كورونا والدكتور كتب لي برتوكول علاج معملش حاجة ابتديت أتعب أكتر وجابوا لي دكتور تاني كتب لي علاج جديد ومعملش حاجة برضه وابتديت أتعب أكتر وابتدى وشي يزرق وشفايفي تزرق ومبقتش قادرةأتنفس ولا أخد نفسي ونزلوا يلفوا على مستشفيات وكلهم رفضوا وقالوا مبناخدش كورونا وابنى كلم شكاوى رئاسة الوزراء واتصل قالهم والدتي حالتها صعبة وعندها كورونا وبنتى اتصلت بـ 105 وقالت لهم أمي بتموت وعندها كورونا وسألوهم عن الرقم القومي والسن وسألوا نبعت عربية إسعاف ولا توصلوها قولنا عربية إسعاف ودرجة حرارتي وصلت فجأة 39 وشرطة بالمستشفى ووقفوا كلهم يعلقوا لي كمادات ومحاليل والأكسجين كان 84 وده رقم خطر وحاليا بيوصل لـ 94 لأن أنا أصلا عندي مشاكل في الرئة وعندي سكر ودول مشكلة تانية
واختتمت الفنانة نشوى مصطفى : مكنتش متخيلة إن كورونا بالدرجة دي أومال سكرات الموت هتبقى عاملة إزاي؟” وطالبت من الجمهور الدعاء لها !
